وطن مسروق

داسوا علينا

وما في حدا

إلاّ نوجع راسو

هيدا الوطن مسروق

باعوا الشعب بالسوق

وشو عيب لمّا هالوطن

بتخون حرّاسو

وشو عيب لمّا هالشعب

مقطوع إنفاسو

وشو عيب نقبل بالمتل

لمّا غلب كف الظلمْ

نخّ الصبي وباسو

وراق المخدّي

وشو ليل

شو يعني قمر

لمّا أنا وحدي

وشو حبّ

وشو يعني سهر

ع وراق المخدّي

رح قوم إحرق

هالوترْ

مليّت من كِترْ الضجر

سودا الدني بعدي

عكاز

رح إسند كتاف الشعر

رح صير عكازو

ورح كون ع طول الدهر

لمعات إنجازو

وحدنْ قلام إللي إرتكو

عا نهدتو فازو

ووحدن حروف اللي بكو

بمحبرة إيجازو

ظلو على طول الزمن

مخبيين ألغازو

إنسان

بالشعر ما في مملكه وسلطانْ

وما في أميرة متوجه

بتاج الإنسْ والجانْ

الشعر مملكة السما

وحبر السما إنسانْ

بيروت وبعلبك

شو بحب إني صرّح بحبكْ

بتوقع سما عالأرضْ

وبيروت تركض عالجرد

تا تحضن بعلبكْ

مشوار

إي وهيكْ بعد ال هيكْ

في إسرارْ

إيدك بإيدي

التلج صار النارْ

عينك بعيني

الليل أحلى نهارْ

إي هيكْ يلاّ

بلّشْ المشوار                                                  

دلال موسى – بعلبك